10 декабрь, Шәмбе

10 ноябрь 2009 йыл, 12:18

Хәрби комиссариаттың йәмәғәт ҡабул итеү бүлмәһендә бөтә һорауҙарға ла яуап бирәсәктәр

автор: Раил Мөхәмәҙиев

Хәрби хеҙмәткә  сираттағы  саҡырыу  тамамланыуға яҡынлашып килһә лә, хәрби хеҙмәткә ҡағылышлы һорауҙар ата-әсәләрҙе лә, буласаҡ һалдаттарҙы ла  борсой.

Башҡортостан хәрби комиссариатының  йәмәғәт ҡабул итеү бүлмәһе мөдире Зифа Мәғәфүрова хәбәр итеүенсә, 2009 йылдың 1 октябренән алып  бында 40-тан ашыу кеше мөрәжәғәт иткән. Күпселек һорауҙарҙы  ата-әсәләр бирә: буласаҡ һалдаттарҙың сәләмәтлек торошо, хәрби хеҙмәткә саҡырылғандарҙың балаларына пособие күләме һәм түләү тәртибе һәм башҡалар.

Телефондар бында иртә таңдан алып кискә тиклем тынмай. Үҙҙәре Өфөгә килә алмаған ата-әсәләр улдарының  ҡайҙа һәм ниндәй ғәсҡәрҙәрҙә хеҙмәт итеүе тураһында тулы мәғлүмәт алырға теләп шылтырата.

Башҡортостан  хәрби комиссариатының  йәмәғәт  ҡабул итеү бүлмәһе Өфө ҡалаһы, Революция урамы, 156-сы йорт адресы буйынса урынлашҡан, белешмәләр өсөн телефон: (347) 228-02-92.

темалар: Армия