3 декабрь, Шәмбе

09 ноябрь 2009 йыл, 11:09

“Эшлекле бәйләнештәр биржаһы” үткәрелә

автор: Любовь Колоколова

26 ноябрҙә Өфөнөң Эшҡыуарҙар союзы “Эшлекле бәйләнештәр биржаһы”н ойоштора. Унда Өфө һәм Башҡортостандың ғына түгел, күрше төбәктәрҙән дә эшҡыуарҙар ҡатнашасаҡ.

“Эшлекле бәйләнештәр биржаһы” үткәреү республика һәм яҡындағы өлкәләр предприятиелары араһында яңы үҙ-ара бәйләнештәрҙе юлға һалыуға, бизнес  һөҙөмтәлелеген күтәреүгә һәм Урал-Волга буйы төбәгенең иҡтисади именлеген нығытыуға йүнәлтелгән.

Бәйләнештәр биржаһы предприятиелар етәкселәре араһында туранан-тура һөйләшеүҙәр формаһында үтәсәк, был эшҡыуарҙар араһында ҡыҫҡа ваҡыт эсендә мөмкин тиклем күберәк туранан-тура бәйләнештәр урынлаштырыуға булышлыҡ итәсәк.

Программала – ҡатнашыусы компаниялар менән таныштырыу, “Бәләкәй һәм урта бизнестың реклама хаталары” фотокүргәҙмәһе, потенциаль партнерҙарҙың алдан төҙөлгән график буйынса һөйләшеп килешеүҙәре, эшҡыуарлыҡ мәсьәләләре буйынса белгестәр менән индивидуаль консультациялар, персонал һайлап алыу буйынса эшкә сығымдарҙы оптималләштереү буйынса мастер-класс.

Өҫтәмә мәғлүмәтте Өфөнөң Эшҡыуарҙар союзында алырға мөмкин.