4 декабрь, Йәкшәмбе

06 ноябрь 2009 йыл, 16:07

Өфөлә “Йәшел урам” үтәсәк

автор: Евгений Рәхимҡолов

Был ял көндәрендә Өфөлә “Йәшел урам” социаль акцияһы үтәсәк. Сараны “Ситибанк” ябыҡ акционерҙар йәмғиәте һәм «FlashPoint» продюсерлыҡ үҙәге менән берлектә Өфө ҡалаһы ҡала округы Советы ҡарамағындағы Йәштәр йәмәғәт палатаһы ойоштора.

Палатаның матбуғат секретары Гөлшат Үҙәнбаева хәбәр итеүенсә, акция урамдарыбыҙҙың торошона һәм балаларҙың буш ваҡытын ойоштороуға ҡала халҡының иғтибарын йәлеп итеүгә йүнәлтелгән. Унда 9-сы балалар йорто тәрбиәләнеүселәре әүҙем ҡатнашасаҡ. Балалар сараны ойоштороусылар менән бергә ҡала урамдарына ағастар ултыртасаҡ. Һуңынан балалар өсөн “108 сәйнүк” кафеһында ланч һәм “Простор” кинокомплексында нәфис фильм ҡарау ойоштороласаҡ.

Акция 7 ноябрҙә сәғәт 11-ҙә Ленин һәм Киров урамдары сатында башлана.