4 декабрь, Йәкшәмбе

05 ноябрь 2009 йыл, 12:50

Өфөлә пандемик гриптан үлеү осрағы теркәлгән

автор: Елена Макушина

3 ноябрҙә Өфөлә пандемик гриптан 25 йәшлек ир вафат булған.

Рәсәй ҡулланыусылар күҙәтеүенең БР буйынса идаралығынан хәбәр итеүҙәренсә, баш ҡалала йәшәүсе медицина ярҙамы һорап ауырый башлағандан һуң өсөнсө тәүлегенә генә мөрәжәғәт иткән.

— Уның гриптан прививкаһы булмаған, — тинеләр Идаралыҡта. – Башта ул амбулатор дауалау алған, һуңынан стационарға госпиталләштерелгән. Өҙлөгөүҙән ир кеше унынсы тәүлегенә вафат була.

Ауырыу осрағын тикшереү һәм эпидемияға ҡаршы саралар дауам иттерелә.

Әлеге ваҡытҡа республикала пандемик грипп менән алты сирләү осрағы теркәлгән, шуның бишәүһе – ситтән индерелгән.