4 декабрь, Йәкшәмбе

05 ноябрь 2009 йыл, 9:54

Башҡортостан эшҡыуарҙары Һамар ҡалаһына эш сәфәре менән барасаҡ

автор: Эльвира Латипова

26-27 ноябрҙә Башҡортостан эшҡыуарҙары Һамар ҡалаһына  юлланасаҡ. Буласаҡ эш сәфәренең маҡсатын БР-ҙың Сауҙа-сәнәғәт палатаһының матбуғат хеҙмәтендә асыҡлап үттеләр: Һамар өлкәһе  илебеҙҙең үҫешкән сәнәғәт  субъекттарының береһе, Волга буйы федераль округының алдынғы төбәктәренән иҫәпләнә.

Программа  буйынса Һамар өлкәһенең Сауҙа-сәнәғәт палатаһы етәкселеге менән осрашыу, предприятиелар  эшмәкәрлеге менән танышыу һәм уларҙың директорҙары менән әңгәмәләшеү ҡаралған.

БР-ҙың Сауҙа-сәнәғәт палатаһы эшҡыуарҙарҙы сауҙа – иҡтисади миссияла ҡатнашырға саҡыра.