5 декабрь, Дүшәмбе

26 октябрь 2009 йыл, 10:45

“2009 йылда уңышлы инвестицион эшмәкәрлек өсөн“ БР Президенты Премияһына конкурс иғлан ителде

автор: Любовь Колоколова

“2009 йылда уңышлы инвестицион эшмәкәрлек  өсөн“ БР Президенты Премияһына конкурс иғлан ителде. Конкурс 2007 йылдың 12 сентябрендәге “Уңышлы инвестицион эшмәкәрлек өсөн” БР Президенты Премияһы  тураһында Положениеһын раҫлау тураһында”  БР Президенты  Указы  һәм юғарыла әйтеп үтелгән премиялар буйынса конкурс комиссияһы тураһында Положение нигеҙендә үткәрелә.

Башҡортостан  Президенты  Премияһы, инновацион юлдарҙы ҡулланып,  юғары сифатлы һәм технологиялы продукция  (хеҙмәтләндреү) эшкәртеүгә, етештереүгә  һәм һатыуға сығарыуға  ҙур өлөш индергән ойошмалар – инвесторҙарға бирелә. Конкурста шулай уҡ республика территорияһында тауарҙар етештереү һәм  хеҙмәтләндереүҙәр күрһәтеү тармағында мәшғүл ойошмалар ҙа ҡатнаша ала.

Конкурста ҡатнашыу тураһында ғаризалар ағымдағы йылдың 1 декабренә тиклем республиканың башҡарма власть органына тапшырылырға тейеш.