4 декабрь, Йәкшәмбе

23 октябрь 2009 йыл, 11:27

Рәсәй төбәктәрендә йәшәүселәр Башҡортостанда дауаланыуҙы өҫтөн күрә

автор: Елена Макушина

Рәсәйҙең башҡа төбәктәрендә йәшәүселәр медицина ярҙамы һорап Башҡортостан Республикаһы мотлаҡ медицина страховкаһы системаһы дауалау учреждениеларына торған һайын йышыраҡ мөрәжәғәт итә. Был турала күрһәтелгән медицина хеҙмәтләндереүе өсөн БР мотлаҡ медицина страховкаһы иҫәбенә башҡа фондтарҙан килгән иҫәп-хисап суммалары раҫлай.

Мәҫәлән, 2009 йылдың 9 айында республика дауаханалары һәм стационарҙары Башҡортостан Республикаһынан ситтә страховкаланған пациенттарҙы дауалауҙа өҫтәмә рәүештә 188,9 миллион һум аҡса эшләне. 2008 йылдың шул уҡ осоронда Башҡортостан Республикаһының дауалау-профилактика учреждениелары ситтән килеүселәрҙе дауалаған өсөн 89,9 миллион һум аҡса алған. БР мотлаҡ медицина страховкаһы фондында, медицина ярҙамы һорап йышыраҡ Мәскәүҙә, Ханты-Манси һәм Ямал-Ненец автономиялы округтарында, Силәбе, Ырымбур, Һамар, Свердловск өлкәләрендә страховкаланыусылар мөрәжәғәт итә, тип билдәләнеләр.