4 декабрь, Йәкшәмбе

21 октябрь 2009 йыл, 16:28

Аграр университет Ҡытайҙан ҡунаҡтар ҡабул итте

автор: Марият Артюхова

Башҡорт дәүләт аграр университеты бөгөн Ҡытай Халыҡ Республикаһынан ҡунаҡтар ҡабул итте. Университеттан хәбәр итеүҙәренсә, Шанхай ауыл хужалығы фәндәре академияһының Тупраҡ һәм ашламалар институты директоры Джан Цянг һәм  Хэйлунцзян провинцияһының ХОНЛИ инженер-биология фирмаһы президенты Чжан Биньшань университеттың тупраҡтар музейы менән танышты, тупраҡтарҙы тикшереү, органик ашламаларҙы файҙаланыу, тупраҡ эрозияһы, уның уңдырышлылығын күтәреү өлкәһендә мәғлүмәт һәм тәжрибә уртаҡлашыу үткәрелде. Ҡытай һәм Башҡортостан яҡтары фәнни тикшеренеүҙәр темалары буйынса мәғлүмәт алмашыу, уҡыу йорттары араһында БР-ҙа һәм ҠХР-ҙа тупраҡтарҙы тикшереү буйынса хеҙмәттәшлек алып барыу тураһында һөйләшеп килештеләр.