4 декабрь, Йәкшәмбе

19 октябрь 2009 йыл, 16:31

Өфөлә мөмкинлектәре сикләнгән балалар фестивале уҙасаҡ

автор: Эльмира Сабирова

27 октябрь баш ҡаланың 28-се махсус (коррекцион) дөйөм белем биреү мәктәбе-интернатында  мөмкинлектәре сикләнгән балалар слеты  башлана. Ул йыл һайын үткәрелә һәм быйыл туғыҙынсы тапҡыр үтәсәк.Сараның ойоштороусыһы – БР Мәғариф министрлығы. “Башинформ” агентлығына ведомствонан хәбәр итеүҙәренсә, сараның төп маҡсаты –  йәмәғәтселек  иғтибарын мөмкинлектәре сикләнгән балаларҙың проблемаларына  йүнәлтеү.

Ярыштарҙа ҡатнашыу өсөн республиканың 37 махсус учреждениеларынан 200-гә яҡын бала йыйыласаҡ. Ҡатнашыусыларҙы төрлө спорт төрҙәре буйынса бәйгеләр көтә. Балалар шиғыр уҡыу, йыр башҡарыу, бейеү, музыка ҡоралдарында уйнау кеүек ижади конкурстарҙа ла үҙҙәрен һынап ҡарай ала.

темалар: Социаль яҡлау