8 декабрь, Кесе йома

16 октябрь 2009 йыл, 15:03

Башҡортостан ғалимдарының тикшеренеүҙәре III дәрәжә дипломға лайыҡ булды

автор: Эльмира Сабирова

Башҡортостандан профессор Михаил Доломатов Берлинда үткән нанотехнологиялар буйынса Европа конгресында III дәрәжә «Nanotech Europe 2009» дипломына лайыҡ булды. Башҡортостан социаль технологиялар институты профессоры форумда Башҡортостан ғалимдары исеменән сығыш яһаны.

Үҙенең “Наноэлектроника өсөн материалдар һәм молекуларҙың электрон структураһын билдәләүҙең ябай ысулдары” тигән докладында Михаил Юрьевич үҙ аспиранттары менән бергә әҙерләгән молекуляр ҡоролмаларҙың һәм наноматериалдарҙың электрон структураһын тикшереү нескәлектәренә ентекле туҡталды. Михаил Долматовтың тикшеренеү һөҙөмтәләрен белгестәр юғары баһаланы, һәм ул абруйлы наградаға лайыҡ булды.

Конгреста донъяның 50 иленән нанотехнологиялар өлкәһендәге күренекле ғалимдар, ҙур фирмалар белгестәре һәм етәкселәре ҡатнашты.

темалар: мәғариф