11 декабрь, Йәкшәмбе

09 октябрь 2009 йыл, 15:43

Республика көнөнә арналған тантаналы йыйылыш

автор: Николай Ермоленко

Өфөлә, Башҡорт дәүләт опера һәм балет театрында,  Башҡортостан Республикаһының Дәүләт суверенитеты тураһында декларация иғлан ителеүҙең 19 йыллығына арналған тантаналы йыйылыш башланды. Унда Башҡортостан Республикаһы Президенты Мортаза Рәхимов, Башҡортостан Республикаһы Дәүләт Йыйылышы – Ҡоролтай Рәйесе Константин Толкачев, Башҡортостан Республикаһы Хөкүмәте Премьер-министры Раил Сарбаев, Башҡортостан Республикаһы буйынса баш федераль инспектор Петр Капишников, Дәүләт Думаһы депутаттары һәм Федерация Советы ағзалары, Башҡортостан Республикаһы Дәүләт Йыйылышы — Ҡоролтай депутаттары, Президент Советы, Республика Советы һәм Башҡортостан Республикаһы Хөкүмәте ағзалары, Башҡортостан Республикаһы Конституция, Юғары һәм Арбитраж судтары судьялары, республика башҡарма власть органдары етәкселәре, Башҡортостан Республикаһы муниципаль райондары һәм ҡала округтары хакимиәттәре башлыҡтары, Өфө ҡала Советы депутаттары, предприятиелар, учреждениелар, уҡыу йорттары һәм республика йәмәғәт берләшмәләре, дини конфессиялар вәкилдәре ҡатнаша.

Билдәләнгән ваҡиғаға арналған доклад менән Мортаза Рәхимов сығыш яһай.