5 декабрь, Дүшәмбе

09 октябрь 2009 йыл, 12:23

Рәсәй, Башҡортостан һәм Германия – Башҡорт дәүләт аграр университетында

автор: Марият Артюхова

Башҡорт дәүләт аграр университетында 14-17 октябрҙә үткәреләсәк “Мәғариф. Инновациялар. Экология” Халыҡ-ара ғилми-ғәмәли конференцияһына әҙерлек бара. Уны ойоштороусылар – Рәсәй Федерацияһының Ауыл хужалығы министрлығы, Федераль Мәғариф һәм тикшеренеүҙәр министрлығы, Германия һәм Башҡортостан Республикаһының Ауыл хужалығы министрлығы.

Конференция аграр сектор ғалимдары, аграр фирмалар, фермерҙар һәм сит илдә эш тәжрибәһенә эйә булған элекке практиканттар өсөн тәғәйенләнгән. Уның маҡсаттары – мәғариф, инновациялар һәм экология өсөн яңы белем алыуға булышлыҡ итеү, фәнни бәйләнештәрҙе үҫтереү, предприятиеларҙы презентациялау, хеҙмәт биржаһы.

Ойоштороусылар актуаль мәсьәләләрҙе “Мәғариф”, “Инновациялар” һәм “Экология һәм биоэнергия” эш төркөмдәрендә тикшерергә планлаштыра.