6 декабрь, Шишәмбе

05 октябрь 2009 йыл, 18:01

Предприятиелар ышаныс сертификаты өсөн көрәшә

автор: Евгений Рәхимҡолов

       Башҡортостандың һигеҙ эш биреүсеһе "Хеҙмәткәрҙәрҙең һәм эш биреүселәрҙең хеҙмәт хоҡуҡтарын бойомға ашырыу буйынса предприятиеларҙың эшмәкәрлеген декларациялау" проектында ҡатнашыуға заявка бирҙе. Ул "Эш биреүсегә ышаныс сертификаты" алыу мөмкинлеге бирә.

       Проектта башлыса химия тармағы предприятиелары ҡатнаша. Улар — "Полиэф", "Синтез-Каучук" яуаплылығы сикләнгән йәмғиәттәре, "Сода", "Мәләүез минераль ашламалары", "Технолог" фәнни-производство берекмәһе" асыҡ акционерҙар йәмғиәттәре. Шулай уҡ "Энергоавтоматика" яуаплылығы сикләнгән йәмғиәтенән, "БР Стандартлаштырыу һәм метрология үҙәге" федераль дәүләт предприятиеһынан һәм Мишкә районының үҙәкләштерелгән китапханалар системаһынан заявкалар килде.

       Бындай сертификат алыу эш биреүселәргә хеҙмәт хоҡуғы мәсьәләләре буйынса консультация алыу, эш биреүсенең үтенесе буйынса ғына хеҙмәт закондары күҙәтелеүен планлы тикшереү үткәреүҙе гарантиялай.