9 декабрь, Йома

30 сентябрь 2009 йыл, 16:41

Өлгөлө ихата, йорт, подъезд һайлайҙар

автор: Марият Артюхова

       Өфөлә "Өлгөлө ихата, өлгөлө йорт, өлгөлө подъезд" конкурсының беренсе этабына йомғаҡ яһалды.

       Өлгөлө исеменә 202 дәғүәсенән район комиссиялары 72-һен һайлап алды. Конкурстың икенсе этабында ҡатнашыуға иң яҡшылар исеменә 15 дәғүәсе үтте.

       "Өфө торлаҡ хужалығы идаралығы" муниципаль унитар предприятиеһының генераль директоры Борис Герасимовтың һүҙҙәренә ҡарағанда, конкурсҡа ҡыҙыҡһыныу йылдан-йыл үҫә бара. Быйыл торлаҡ предприятиелары һәм Торлаҡ-коммуналь хужалыҡты реформалаштырыуға булышлыҡ итеү фонды федераль программаһына ярашлы 2008 йылда капиталь ремонт үткәрелгән йорттарҙа йәшәүселәр ҡатнашыуы ярыштың бер үҙенсәлеге булып торҙо.