10 декабрь, Шәмбе

29 сентябрь 2009 йыл, 17:30

Президент Асҡын районына юлланды

автор: Елена Макушина

       Бөгөн Башҡортостан Президенты Мортаза Рәхимов эш сәфәре менән Асҡын районына юлланды. Республика башлығы төньяҡ төбәктең социаль-иҡтисади хәле менән танышасаҡ, социаль һәм иҡтисади тәғәйенләнештәге ҡайһы бер объекттарҙы ҡараясаҡ.

       Атап әйткәндә, "Танып-Агро" агросәнәғәт комплексының әле яңыртыу эштәре алып барылған малсылыҡ комплексына, Асҡын ауылындағы реконструкцияланған май заводына барырға планлаштыра. Бынан тыш, Мортаза Рәхимов "Танып" санаторийында буласаҡ, бында сәләмәтләндереү үҙәгенә килеү юлын асыуҙа ҡатнашасаҡ.

       Республика Президенты сәфәрендә БР төҙөлөш, архитектура һәм транспорт министры Рауил Ибәтуллин ҡатнаша.