8 декабрь, Кесе йома

25 сентябрь 2009 йыл, 16:48

Ял көндәрендә тағы ла ауыл хужалығы йәрминкәләре үтәсәк

автор: Эльвира Латипова

       Алдағы ял көндәрендә, 26-27 сентябрҙә, Өфөлә сираттағы көҙгө ауыл хужалығы йәрминкәләре үтәсәк.

       Өфө хакимиәтенең ҡулланыу баҙары идаралығынан хәбәр итеүҙәренсә, ауыл хужалығы продукцияһы менән сауҙа итеү ҡаланың бөтә ете районында, 18 майҙансыҡта, йәйелдереләсәк. Республиканың 40 районынан хужалыҡтар баш ҡалаға аҙыҡ-түлек килтерәсәк. Ит, һөт продукттары, йәшелсә, бал, он һәм ярма изделиелары, шулай уҡ үҫентеләр, төҙөлөш материалдары һәм башҡа төрлө аҙыҡ-түлек киң ассортиментта тәҡдим ителәсәк.

       Шәмбе мулыраҡ буласаҡ. Йәкшәмбе көнө ауыл хужалығы продукттары менән машиналар аҙыраҡ киләсәк.