6 декабрь, Шишәмбе

22 сентябрь 2009 йыл, 17:21

Сауҙа-сәнәғәт палатаһы комитетының күсмә ултырышы үтә

автор: Эльвира Латипова

       Өфөлә Рәсәй Федерацияһы Сауҙа-сәнәғәт палатаһының Күргәҙмә-йәрминкә эшмәкәрлеге һәм тауар етештереүселәргә, экспортерҙарға ярҙам буйынса комитетының күсмә ултырышы үтә.

       Ултырыштың темаһы — "Волга буйы федераль округы өлгөһөндә Рәсәйҙә һәм сит илдәрҙәге күргәҙмәләрҙә төбәктәрҙең сауҙа-иҡтисади потенциалын һәм инвестицион йәлеп итеүсәнлеген алға этәреүҙә территориаль Сауҙа-сәнәғәт палаталарының роле тураһында".

       Ултырышта Рәсәй һәм ил төбәктәре сауҙа-сәнәғәт палаталары вәкилдәре ҡатнаша.

       Күсмә ултырыш программаһы ике көнгә — 22 һәм 23 сентябргә — иҫәпләнгән. Бөгөн Конгресс-холда Нанотехнологиялар конгресы һәм Беренсе махсус юғары технологиялар күргәҙмәһе үтә. 23 сентябргә "Ил эсендә һәм сит илдәрҙә күргәҙмәләр ойоштороу һәм үткәреү буйынса төп мәсьәләләр" семинары планлаштырылған.