11 декабрь, Йәкшәмбе

18 сентябрь 2009 йыл, 16:55

Ураҙа ғәйетен өфөләр ҡала майҙандарында билдәләйәсәк

автор: Башинформ

       20 сентябрҙә Ураҙа ғәйетен өфөләр мәсеттәрҙә һәм өйҙә генә түгел, ҡала майҙандарында ла билдәләйәсәк. Атап әйткәндә, был көндө Ураҙа ғәйете айҡанлы тантаналар "Башҡортостан" сауҙа үҙәге алдындағы майҙанда үткәреләсәк.

       Өфөнөң Октябрь районы хакимиәтенең мәғлүмәт-аналитика бүлегенән хәбәр итеүҙәренсә, бында байрам вәғәзе, хәйер таратыу, башҡорт һәм татар эстрадаһының популяр артисы Эльмир Ғәзизуллин ҡатнашлығында концерт, кулинар изделиелар күргәҙмә-сауҙаһы ойоштороласаҡ. Бөтә тауарҙарға биш процент ташлама яһаласаҡ.

       Ураҙа ғәйете байрамы сәғәт 12-лә башлана.