9 декабрь, Йома

15 сентябрь 2009 йыл, 17:51

Люция Ғүмәрова - Башҡортостан Конституция Суды Рәйесе вазифаһына кандидат

автор: Николай Ермоленко

       Бөгөн Башҡортостан Республикаһы Дәүләт Йыйылышы Президиумы ултырышында Башҡортостан Республикаһы Конституция Суды Рәйесе вазифаһына Люция Ғүмәрованы тәғәйенләү тураһындағы мәсьәләне сираттағы пленар ултырышта депутаттарҙың ҡарауына сығарыу тураһында ҡарар ҡабул ителде. Уның кандидатураһын Башҡортостан Республикаһы Президенты тәҡдим итте — элекке рәйес Илдус Әҙеһәмов отставкаға китеү сәбәпле, әлеге ваҡытта был вазифа вакантлы булып тора.

       Люция Шаһыбал ҡыҙы Ғүмәрова 1959 йылдың 1 ғинуарында Башҡортостан Республикаһының Хәйбулла районында тыуған. Башҡорт дәүләт университетын тамамлаған, хоҡуҡ белгесе, юридик фәндәр кандидаты, БДУ доценты. 1996 йылдан Башҡортостан Республикаһы Конституция Суды судьяһы. Башҡортостан Республикаһының Почет Грамотаһы менән наградланған.