11 декабрь, Йәкшәмбе

15 сентябрь 2009 йыл, 17:45

Ҡулланыусыларға аҡсалары ҡайтарылды

автор: Марият Артюхова

       БР Аҙыҡ-түлек идаралығының ҡулланыусыларҙың хоҡуҡтарын яҡлау һәм ҡулланыу баҙарында ҡағиҙә боҙоуҙарҙы иҫкәртеү буйынса бүлеге белгестәре август айында сифатһыҙ тауарҙар һәм хеҙмәтләндереүҙәр өсөн ҡулланыусыларға 67,9 мең һум аҡсаһын ҡайтарырға ярҙам итте.

       Бынан тыш, Өфөнөң Октябрь районы Прокуратураһы мөрәжәғәте буйынса идаралыҡ белгестәре кешеләр күмәк йыйылған урындарҙа тәмәке изделиелары һатҡанда ҡулланыусыларҙың хоҡуҡтарын яҡлау тураһында закондарҙың күҙәтелеүен тикшереү буйынса биш берлектәге рейдта ҡатнашты. Тикшереүселәрҙең иғтибар үҙәгенә "Үҙәк", "Тылсымлы шар", "Грин Парк", "А Инком" һәм "Альмира" күңел асыу үҙәктәре эләкте. Бөтә ерҙә лә ғәмәлдәге закондарҙы боҙоуҙар асыҡланды. Прокуратура тарафынан административ хоҡуҡ боҙоуҙар тураһында эш ҡуҙғатыу хаҡында ҡарарҙар әҙерләнде.