4 декабрь, Йәкшәмбе

11 сентябрь 2009 йыл, 16:31

Шамил Вахитов француз күргәҙмәһенә барасаҡ

автор: Марият Артюхова

       15-18 сентябрҙә Францияның Ренне ҡалаһында малсылыҡ һәм ҡошсолоҡ буйынса SРАСЕ-2009 Халыҡ-ара күргәҙмәһе үтәсәк. Рәсәй Ауыл хужалығы министрлығының рәсми делегацияһы составында БР Хөкүмәте Премьер-министрының беренсе урынбаҫары, БР ауыл хужалығы министры Шамил Вахитов барасаҡ.

       Был бөтә донъя селекция "салонының" иғтибар үҙәгендә урындағы данлыҡлы Салер һәм Симментал тоҡомло һыйыр малы торасаҡ. Күргәҙмәлә ҡатнашыусы 1300 кеше (шуларҙың 360-ы — 30 сит ил дәүләте вәкилдәре) түбәндәге йүнәлештәрҙе тәҡдим итәсәк: һыйыр малы (һөтлө һәм итле тоҡомдар) үрсетеү, сусҡасылыҡ, ҡошсолоҡ, йорт ҡуяндары, һарыҡтар һәм кәзәләр үрсетеү — бөтәһе мең ярым позиция. Күргәҙмә ун гектар майҙандағы 11 павильонда урын аласаҡ. Технологик инновацияларға айырым урын бүленәсәк, унда ҡатнашыусыларға малсылыҡ һәм агросәнәғәт объекттарына барыу мөмкинлеге биреләсәк. Күргәҙмә программаһында — конференциялар, конкурстар һәм малдарҙы аукцион һатыу.