Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 58.89

EUR 69.42

17 декабрь, Йәкшәмбе

Уфа   °

Силәбелә һабантуй үтте

Сәйәсәт

Силәбелә Юрий Гагарин исемендәге мәҙәниәт һәм ял паркында милли-мәҙәни байрам — һабантуй үтте.

Силәбеләр һәм байрам ҡунаҡтары алдында Башҡортостан Республикаһының Учалы районынан артистар сығыш яһаны. Улар дәртле бейеүҙәр һәм күңелле йырҙар башҡарҙы.

Һабантуйҙа БР Хөкүмәте ҡарамағындағы Матбуғат, нәшриәт һәм полиграфия буйынса идаралыҡ начальнигы вазифаһын башҡарыусы Фәнил Ҡоҙаҡаев етәкселегендәге рәсми делегация ҡатнашты.

Байрамда ҡатнашыусыларға Башҡортостан Республикаһы Президенты Мортаза Рәхимов тәбрикләү хаты ебәрҙе. Һабантуй — ул бөтә халыҡтарҙың дөйөм байрамы, тип билдәләне Мортаза Рәхимов. Силәбе өлкәһе менән Башҡортостан Республикаһы араһында ике төбәк халҡының дуҫлығына һәм үҙ-ара аңлашып йәшәүенә нигеҙләнгән ныҡлы сауҙа-иҡтисади, фәнни-техник һәм мәҙәни бәйләнештәр булдырылған. "Башҡорттар хәҙерге Силәбе өлкәһе территорияһында борон-борондан йәшәй. Өлкә етәкселеге аҡыллы сәйәсәт алып барыу һөҙөмтәһендә башҡорттар туған телен өйрәнеү мөмкинлегенә эйә. Башҡорт милли сәнғәтенә ярҙам итеү, ғөрөф-ғәҙәттәрҙе һәм традицияларҙы, милли мәғарифты һәм матбуғатты һаҡлау йүнәлешендә күп эшләнә", — тиелә Башҡортостан башлығы ҡотлауында.

Теләүселәрҙең барыһы ла һабантуй өсөн традицион көрәш, тоҡ менән һуғышыу, гер күтәреү, бағанаға үрмәләү ярыштарында ҡатнаша алды. Байрам ҡунаҡтары башҡорт милли аш-һыуын да тәмләп ҡараны. Һабантуй аҙағында йәштәр өсөн дискотека ойошторолдо.

Яндекс цитирования
Рейтинг ресурсов "УралWeb"
закрыть