10 декабрь, Шәмбе

08 июнь 2009 йыл, 16:34

Сәнәғәт предприятиелары 150 вакансия тәҡдим итте

автор: Евгений Рәхимҡолов

Өфөнөң Халыҡты эш менән тәьмин итеү үҙәгендә үткән һуңғы вакансиялар йәрминкәһенә төп эш биреүселәр сифатында сәнәғәт предприятиелары саҡырылды.

Мәшғүллек хеҙмәте хеҙмәткәрҙәре йәрминкәлә "УЗЭМИК" асыҡ акционерҙар йәмғиәте, "Химэкс", "Дормаш-регион" фәнни- производство предприятиелары һәм башҡа ойошмаларҙең әүҙем ҡатнашыуын билдәләне. Дөйөм алғанда, йәрминкәлә ҡатнашыусылар 150 вакантлы эш урыны тураһында мәғлүмәт бирҙе.

Эшһеҙ граждандарҙың вакансиялар йәрминкәһенә ҡыҙыҡһыныуы элеккесә юғары булып ҡала. Был юлы йәрминкәгә 700-ләп кеше килде. Уларҙың 123-ө әңгәмәләшеүҙә ҡатнашты, һөҙөмтәлә 52-һе эшкә саҡырыу алды.