9 декабрь, Йома

05 июнь 2009 йыл, 17:36

Кешелек потенциалын үҫтереү тураһында доклад презентацияланасаҡ

автор: Марина Шумилова

9 июндә Өфөлә, Конгресс-холда, Берләшкән Милләттәр Ойошмаһы Үҫеш программаһының Рәсәй Федерацияһындағы вәкиллеге ярҙамында сығарылған Рәсәйҙә беренсе төбәк Докладын — Башҡортостан Республикаһында кешелек потенциалын үҫтереү тураһында докладты презентациялау үткәреләсәк.

Башҡортостан Республикаһында кешелек потенциалын үҫтереү тураһында доклад БР Фәндәр академияһының Социаль һәм сәйәси тикшеренеүҙәр үҙәге, республиканың башҡа төп ғилми үҙәктәре авторҙары коллективы тарафынан әҙерләнгән. Докладты әҙерләүҙә М.В. Ломоносов исемендәге Мәскәү дәүләт университеты һәм БМО Үҫеш программаһының Рәсәй Федерацияһындағы вәкиллеге эксперттары һәм фәнни консультанттары әүҙем ҡатнашты.

Авторҙар коллективы кешелек потенциалын үҫтереү концепцияһына ярашлы Башҡортостан Республикаһында һәм республиканың айырым социаль-иҡтисади райондарында кешелек үҫешенең төп күрһәткестәренә һәм индикаторҙарына анализ яһаны.

Был көндө Башҡортостан Республикаһы Хөкүмәте менән БМО Үҫеш программаһының Рәсәй Федерацияһындағы вәкиллеге араһында хеҙмәттәшлек тураһында Килешеүгә ҡул ҡуйырға планлаштырыла.