5 декабрь, Дүшәмбе

05 июнь 2009 йыл, 17:27

Башҡортостан көрсөккә ҡаршы үҙ тәжрибәһе менән уртаҡлашырға әҙер

автор: БР Хөкүмәте матбуғат хеҙмәте

Башҡортостандан Премьер-министр Раил Сарбаев етәкселегендәге делегация Петербургта халыҡ-ара иҡтисади форумда ҡатнаша. Рәсәй матбуғаты, быйылғы форум көрсөккә ҡаршы яңы идеялар генераторы булып торасаҡ, тип билдәләй.

Раил Сарбаевтың һүҙҙәренә ҡарағанда, республиканың идеялары ғына түгел, әүҙем тормошҡа ашырылған көрсөккә ҡаршы проекттары ла бар. Бында һүҙ, иң элек, халыҡ араһында ла, шулай уҡ эшлекле берләшмәлә лә киң резонанс тыуҙырған күпләп аҙ ҡатлы арзан торлаҡ төҙөү тураһында бара. Бынан тыш, бөгөн төбәк эшҡыуарлығына ярҙам буйынса программа ла әүҙем бойомға ашырыла.