3 декабрь, Шәмбе

27 май 2009 йыл, 16:36

27000 үҫмер ваҡытлыса эшкә урынлаштырыласаҡ

автор: Елена Макушина

Йыл барышында 27000 үҫмер ваҡытлыса эшкә урынлаштырыласаҡ.

БР Хөкүмәтендә балаларҙың, үҫмерҙәрҙең һәм йәштәрҙең ялын ойоштороу, уларҙы сәләмәтләндереү һәм эш менән тәьмин итеү буйынса селектор кәңәшмәһендә БР Хеҙмәт һәм халыҡты социаль яҡлау министрлығы ҡарамағындағы Дәүләт эш менән тәьмин итеү хеҙмәте идаралығы начальнигы Тимерхан Биккинин хәбәр итеүенсә, шул иҫәптән 17000 кеше йәйге каникул осоронда эшләйәсәк.

— Был маҡсаттарға федераль бюджеттан 17950 мең һум аҡса бүленәсәк, был 2008 йылдағыға ҡарағанда өс миллион һумға кәмерәк, — тине Биккинин. — Шуға күрә йәштәр өсөн ваҡытлыса эш урындары ойоштороу өсөн урындағы бюджеттар средстволарын әүҙемерәк йәлеп итергә кәрәк.