Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 59.00 ↓

EUR 69.40 ↑

23 ноябрь, Кесе йома

Уфа   °

Агросәнәғәт комплексын дәүләт яҡлауы саралары тураһындағы указға ҡул ҡуйылды

Сәйәсәт

Республиканың агросәнәғәт комплексы ойошмаларында йәш белгестәрҙе нығытыу маҡсатында Башҡортостан Президенты Мортаза Рәхимов республиканың агросәнәғәт комплексы кадрҙар потенциалын дәүләт яҡлауы саралары тураһында Указға ҡул ҡуйҙы.

Указға ярашлы, республиканың ауыл биләмәләре сигендә урынлашҡан агросәнәғәт комплексы ойошмаларында эшләгән йәки эшләргә теләк белдергән йәш белгестәргә айлыҡ түләүҙәр билдәләнде. Юғары уҡыу йортон тамамлаусыларға — 7000 һум, урта профессиональ учреждениеларҙы тамамлаусыларға — 4000 һум. Түләүҙәр тәғәйенләгән көндән алып өс йыл буйына түләнә.

Указға ярашлы шулай уҡ бер тапҡыр бирелә торған пособиелар билдәләнде: вуз тамамлаусыларға — 100 мең һум, урта махсус уҡыу йортон тамамлаусыларға — 60 мең һум. Пособиелар йыл һайын юғары белемле — 100 һәм урта профессиональ белемле 150 йәш белгескә түләнәсәк.

Башҡортостан Республикаһы Хөкүмәтенә түләүҙәр һәм пособиелар биреү тәртибен һәм шарттарын раҫларға, шулай уҡ Указды тормошҡа ашырыу менән бәйле сығымдарҙы финанслау сығанаҡтарын билдәләргә ҡушылды.

Указ рәсми баҫылып сыҡҡан көндән алып көскә инә.

Яндекс цитирования
Рейтинг ресурсов "УралWeb"
закрыть