3 декабрь, Шәмбе

25 май 2009 йыл, 17:02

Башҡортостан күргәҙмәһе иң яҡшы тип танылды

автор: Эльвира Латипова

Башҡортостандың Стандартлаштырыу, метрология һәм сертификация үҙәге экспозицияһы үлсәү саралары, һынау һәм лаборатор ҡорамалдарҙың "Метрология-2009" Бөтә Рәсәй күргәҙмәһендә иң яҡшы тип танылды.

Экспозиция Мәскәүҙә, Бөтә Рәсәй күргәҙмә үҙәгендә эшләне. Экспоненттар араһында 11 төбәк Стандартлаштырыу, метрология һәм сертификация үҙәге булды.

Башҡортостан Республикаһының Стандартлаштырыу, метрология һәм сертификация үҙәге күргәҙмәгә үҙ эшмәкәрлегенең бөтә йүнәлештәрен, шулай уҡ республиканың үлсәү саралары сығарыусы бөтә предприятиелары өлгөләрен ҡуйҙы.

БР Стандартлаштырыу, метрология һәм сертификация үҙәге директоры Амран Моратшин "Үлсәүҙәр берҙәмлеге өсөн" алтын миҙалы менән наградланды.