4 декабрь, Йәкшәмбе

20 май 2009 йыл, 17:17

Милли оркестр халыҡ-ара фестивалдә ҡатнашасаҡ

автор: Әлфиә Әһлиуллина

Башҡортостан Республикаһының Халыҡ музыка ҡоралдары милли оркестры Н.Н. Калинин исемендәге профессиональ халыҡ оркестрҙарының III халыҡ-ара фестивалендә ҡатнашыу өсөн Волгоградҡа китте. Ул 21 майҙа Волгоград өлкә филармонияһының Ҙур залында тантаналы асыла. Был турала "Башинформ" агентлығына башҡорт оркестрының художество етәксеһе, Рәсәйҙең атҡаҙанған артисы Рәмил Ғәйзуллин хәбәр итте.

Рәмил Мәүлит улы әйтеүенсә, Н.Н. Калинин исемендәге III халыҡ оркестрҙары фестивале сағыу һәм йөкмәткеле булырға вәғәҙә итә — унда Туланан, Мәскәүҙән, Санкт-Петербургтан, Дондағы Ростовтан, Ҡалмыҡстандан, шулай уҡ Япониянан коллективтар ҡатнашасаҡ. Байрамға Рәсәйҙең Н.П. Осипов исемендәге Милли академия халыҡ музыка ҡоралдары оркестры артисы, РФ-тың атҡаҙанған артисы Татьяна Калинина-Левкина киләсәк.