5 декабрь, Дүшәмбе

07 май 2009 йыл, 16:36

Еңеү көнөнә һуғыш ветерандары фатир асҡыстары аласаҡ

автор: Эльмира Сабирова

1941-1945 йылғы Бөйөк Ватан һуғышында Еңеүҙең 64 йыллығын байрам итеү сиктәрендә торлаҡ шарттарын яҡшыртыуға мохтаж булған Өфө ветерандарына 64 фатирҙан асҡыс тапшырыласаҡ. Тантана 9 майҙа Республика Хәрби дан музейында үтәсәк.

Сәләмәтлеге ҡаҡшау сәбәпле тантанала ҡатнаша алмаған һуғыш ветерандары-инвалидтар өсөн Өфө райондары хакимиәттәре уларҙың өйҙәренә барып фатир асҡысы һәм сәскәләр тапшырыуҙы ойоштора.

Мәҫәлән, Орджоникидзе районында Бөйөк Ватан һуғышында ҡатнашҡан туғыҙ кеше фатир асҡысы алды. 7 майҙа был тантана Дим районында йәшәүсе биш ветеран өсөн ойоштороласаҡ.