3 декабрь, Шәмбе

05 май 2009 йыл, 17:30

5000 самаһы үҫмер ваҡытлыса эш тапты

автор: Евгений Рәхимҡолов

Республиканың мәшғүллек хеҙмәте быйыл беренсе кварталда

14 йәштән 18 йәшкә тиклемге 4800 балиғ булмаған үҫмерҙе

ижтимағи файҙалы хеҙмәткә йәлеп итә алды. Был уҙған йылдың

шул уҡ осоро менән сағыштырғанда 500 кешегә күберәк.

Ваҡытлыса эшкә урынлаштырылған үҫмерҙәр араһында

инвалидтар, етем балалар һәм эске эштәр органдарында иҫәптә

торған балалар бар.

Эш эҙләүҙә ҡыйынлыҡ кисергән 217 өлкән кеше ваҡытлыса

эшкә урынлаштырылды. Уларҙың яртыһы тиерлек — 93 кеше -

инвалидтар.

Тәүге тапҡыр эш эҙләүсе башланғыс һәм урта профессиональ

белем биреү учреждениеларын тамамлаусы 18-20 йәшлектәр

айырым категорияға бүленде. Мәшғүллек үҙәктәре ярҙамында

уларҙың 115-е ваҡытлыса булһа ла эш алды.

Ваҡытлыса эшкә урынлаштырыуҙы мәшғүллек хеҙмәте

иҡтисади көрсөк осоронда хеҙмәт баҙарында хәлде

тотороҡландырыуҙың төп ысулдарының береһе итеп ҡарай.