11 декабрь, Йәкшәмбе

30 апрель 2009 йыл, 16:42

Сәләмәтләндереү учреждениелары 1 июндән эшләй башлаясаҡ

автор: Елена Макушина

Башҡортостан Республикаһында йәйге сәләмәтләндереү

учреждениелары 1 июндән эшләй башлаясаҡ. БР Һаулыҡ һаҡлау

министрлығының матбуғат хеҙмәтенән хәбәр итеүҙәренсә, был

ваҡытҡа 3511 учреждение асырға планлаштырыла. Былтыр

уларҙың һаны 3363 тәшкил иткәйне. Беренсе сиратта, йәйге

сәләмәтләндереү учреждениелары һанын арттырыуға палатка

һәм профилле лагерҙар ойоштороу кеүек ялдың аҙ сығымлы

формаларын индереү иҫәбенә өлгәшелде.

"2009 йылғы йәйге сәләмәтләндереү кампанияһына әҙерлек

тураһында" темаһына бөтә Рәсәй селектор кәңәшмәһе

барышында РФ Баш дәүләт санитар врачы, Ҡулланыусыларҙың

хоҡуҡтарын яҡлау өлкәһендә күҙәтеү буйынса федераль хеҙмәт

етәксеһе Геннадий Онищенко был учреждениеларҙа туҡланыуҙы

ойоштороуға һәм кадрҙар менән комплектлауға иғтибар

биреүҙәрен үтенде.