11 декабрь, Йәкшәмбе

15 апрель 2009 йыл, 16:47

Яуаплылығы сикләнгән йәмғиәттәр ҡайтанан теркәлә

автор: Ольга Горюнова

2009 йылдың 1 июленән "Сикләнгән яуаплылыҡтағы йәмғиәттәр тураһында"ғы Законға үҙгәрештәр үҙ көсөнә инә. Бөтә яуаплылығы сикләнгән йәмғиәттәр ҡайтанан теркәләсәк, йәғни улар яңы уставтар яҙырға һәм уларҙы яңынан теркәтергә тейеш.

Етмәһә, был эшкә күп ваҡыт бирелмәй: процесс 1 июлдә башлана һәм алты айҙа — 2010 йылдың 1 ғинуарына тамамланасаҡ.

"Эксперт" күсемһеҙ милек агентлыҡтары селтәре белгестәре, яуаплылығы сикләнгән йәмғиәт Рәсәйҙә эшҡыуарлыҡ эшмәкәрлеге алып барыуҙың иң таралған ойоштороу-хоҡуҡи формаһы булып тора (80 проценттан ашыу), шуға күрә лә теркәү органдары алдында көсөргәнешле эш тора, тип билдәләй.

Теркәүгә әҙер булып килеү өсөн быйыл 1 июлгә тиклем ойоштороу документтарын тәртипкә килтерергә кәрәк, ти "Эксперт" белгестәре.