7 декабрь, Шаршамбы

14 апрель 2009 йыл, 16:32

Декларация кампанияһы 30 апрелдә тамамлана

автор: Любовь Колоколова

Декларация кампанияһы тамамланыуға ике аҙна ваҡыт ҡалды.

30 апрелгә тиклем шәхси эшҡыуарҙар, нотариустар, адвокаттар һәм шәхси практика менән шөғөлләнеүсе башҡа кешеләр 2008 йылдағы үҙ табыштары тураһында декларация тапшырырға тейеш.

Бынан тыш, гражданлыҡ-хоҡуҡ характерындағы килешеүҙәр буйынса эшләүсе граждандар, йорттарын, фатирҙарын, баҡса өйҙәрен, ер участкаһын, автомобилдәрен һатҡан кешеләр үҙ керемдәре хаҡында декларация бирергә тейеш.

Лотереяға, тотализаторҙа аҡса отоусылар ҙа һалым органдарына табыштары тураһында отчет бирергә бурыслы.

Бынан тыш, фән, әҙәбиәт, сәнғәт әҫәрҙәре авторҙарының, шулай уҡ уйлап табыуҙар, файҙалы моделдәр һәм сәнәғәт өлгөләре авторҙарының вариҫтары булараҡ бүләк алыусы граждандар ҙа был табыштары тураһында декларация бирергә тейеш.

Иҫегеҙгә төшөрәбеҙ, ваҡытында бирелмәгән декларациялар өсөн һалым һалыу һәм енәйәти яуаплылыҡ ҡаралған.