6 декабрь, Шишәмбе

14 апрель 2009 йыл, 16:27

Быйыл да "Георгий таҫмаһы" акция үтәсәк

автор: Николай Ермоленко

Башҡортостанда сираттағы, дүртенсе тапҡырына "Георгий таҫмаһы" Бөтә Рәсәй акцияһы үтәсәк. Георгий таҫмалары һатып алыуға средстволар бүлеү тураһында бойороҡҡа БР Хөкүмәте Премьер-министры Раил Сарбаев ҡул ҡуйған. "Дөйөм дәүләт идаралығы менән бәйле дәүләт функцияларын тормошҡа ашырыуға ҡаралған средстволарҙы кәметеү иҫәбенә" республика бюджетынан 50 мең һумға яҡын аҡса бүленде, тиелә бойороҡта. Акцияны, элекке кеүек, бөтә киң мәғлүмәт саралары яҡтыртасаҡ.

Хәтерегеҙгә төшөрөп үтәбеҙ, бер йыл элек Бөйөк Еңеүҙең 63 йыллығын байрам иткән көндәрҙә "Берҙәм Рәсәй" партияһының Башҡортостан төбәк бүлексәһе һәм "Берҙәм Рәсәйҙең Йәш гвардияһы" Башҡортостан төбәк бүлексәһе активистары тарафынан республика буйынса 100 мең самаһы таҫма таратылғайны.

темалар: акция, бойороҡ