8 декабрь, Кесе йома

13 апрель 2009 йыл, 16:44

Кушнаренко районы хакимиәтендә үҙгәрештәр

«Башинформ»

10 апрелдә Кушнаренко районы муниципаль районы Советы ултырышы булды. Унда хакимиәт башлығы вәкәләттәрен ваҡытынан алда туҡтатыу һәм район хакимиәте башлығы бурысын ваҡытлыса үтәүсене тәғәйенләү тураһындағы мәсьәләләр ҡаралды.

Кушнаренко районы хакимиәте башлығы вазифаһын биләүсе Сергей Касаткин үҙ теләге менән эштән китеү тураһында ғариза бирҙе.

Муниципаль район Советы депутаттары Кушнаренко районы хак имиәте башлығы бурысын ваҡытлыса үтәүҙе Йосопов Алмас Мәмдүх улына йөкмәтте.

Алмас Йосопов хакимиәт башлығы бурысын муниципаль район Советы конкурс һөҙөмтәләре буйынса ошо вазифаға тәғәйенләгән кеше вазифаны ҡабул итеп алғанға тиклем башҡарасаҡ.