10 декабрь, Шәмбе

10 апрель 2009 йыл, 17:35

"Өфө" аэропортында яңы хеҙмәтләндереү барлыҡҡа килде

автор: Любовь Колоколова

Авиатакси — Рәсәй пассажирҙары өсөн яңы төшөнсә. Күрһәтелгән маршрут буйынса кәрәкле ваҡытҡа самолетта барыуға элек власть һәм ҙур бизнес вәкилдәре генә дәғүә итә ала ине. Хәҙер республика халҡы һәм ҡунаҡтары өсөн яңы хеҙмәтләндереү — бизнесс-класс самолетына заказ биреү — асылды.

"Өфө" Халыҡ-ара аэропортында "Dexter" авиатаксийын презентациялау үткәрелде. Рейстар Швейцарияла етештерелгән юғары комфортабелле һигеҙ урынлыҡ "Pilatus PC-12" һауа судноһында башҡарыласаҡ.

"Өфө" Халыҡ-ара аэропорты" асыҡ акционерҙар йәмғиәтенән хәбәр итеүҙәренсә, презентацияла Өфөнөң эшлекле һәм туризм даирәләре вәкилдәре ҡатнашты.