10 декабрь, Шәмбе

09 апрель 2009 йыл, 17:27

Республика Профсоюздар федерацияһы советының VII пленумы

автор: Николай Ермоленко

Өфөлә, Профсоюздар йортонда, БР Профсоюздар федерацияһы Советының VII пленумы башланды, унда машиналар эшләү комплексы профсоюз ойошмаларының власть органдары һәм эш биреүселәр менән берлектә иҡтисади көрсөк шарттарында хеҙмәтсәндәрҙең хоҡуҡтар гарантияларын күҙәтеү буйынса эше көн тәртибендәге төп мәсьәлә булып тора. Пленум эшендә БР Хөкүмәте Премьер-министры урынбаҫары, сәнәғәт һәм тышҡы иҡтисади бәйләнештәр министры Юрий Пустовгаров ҡатнаша.

Машиналар эшләү комплексындағы хәл һәм профсоюз ойошмаларының көрсөккә ҡаршы эшмәкәрлеге тураһында мәғлүмәт менән РФ машина эшләүселәр профсоюзы рәйесе Николай Шатохин, БР машина эләүселәр профсоюзы рәйесе Николай Лифанов, Рәсәй авиация сәнәғәте хеҙмәтсәндәре профсоюзының Башҡортостан республика ойошмаһы рәйесе Александр Мельников һәм башҡалар уртаҡлашасаҡ.