9 декабрь, Йома

26 март 2009 йыл, 17:43

Бельгия бизнесының Башҡортостанға сауҙа-иҡтисади миссияһы ойоштороласаҡ

автор: Эльвира Латипова

Өфөлә Бельгия-Люксембург сауҙа палатаһы делегацияһы булып китте.

Башҡортостандың сауҙа-сәнәғәт палатаһында уның рәйесе Сергей Ефремов Бельгия-Люксембург палатаһының генераль координаторы Аркадий Арианофф, директорҙар комитеты ағзаһы Георгио Чочиташвилли, шулай уҡ "Белмаг" компанияһы вәкиле Махлази Берай менән осрашты.

БР Сауҙа-сәнәғәт палатаһынан хәбәр итеүҙәренсә, осрашыу барышында унда ҡатнашыусылар Бельгия менән Рәсәй араһындағы хеҙмәттәшлекте артабан үҫтереү тураһында һүҙ алып барҙылар. Төп мәсьәлә — 2010 йылда Бельгия эшлекле даирәләр вәкилдәренең Башҡортостанға сауҙа-иҡтисади миссияһын ойоштороу.