7 декабрь, Шаршамбы

23 март 2009 йыл, 17:27

Республика хәрби-патриотик клубтар фестивале Ишембайҙа үтәсәк

автор: Булат Юлбарыҫов

Бөйөк Ватан һуғышында Еңеүҙең 64 йыллығына арналған IV Республика хәрби-патриотик клубтар фестивале 25-27 мартта Ишембайҙа Республика кадет мәктәп-интернатында үтәсәк.

Сараны ойоштороусылар — БР Йәштәр сәйәсәте буйынса дәүләт комитеты, "Республика йәштәрҙең ижади инициативаларын тормошҡа ашырыу үҙәге" йәмәғәт берләшмәһе һәм Ишембай районы муниципаль районы хакимиәте. Фестивалдә республиканың 16 хәрби-патриотик клубы һәм берекмәһе ҡатнашасаҡ.

Балаларға спорт һәм ижади бәйгеләрҙә ҡатнашырға тура киләсәк. Уларға сафта йөрөүгә әҙерлек күнекмәләрен, АК-74 автоматынан атыу оҫталығын күрһәтергә, хәрби-спорт маршрутын үткән саҡта төрлө заданиелар үтәргә, "хәрби листоктар" һәм хәрби-патриотик йырҙар конкурстарында үҙҙәренең ижади һәләттәрен күрһәтергә кәрәк буласаҡ.