3 декабрь, Шәмбе

20 март 2009 йыл, 17:29

Торлаҡ төҙөлөшө күләме буйынса республикабыҙ алда бара

автор: Эльвира Латипова

Башҡортостан 2008 йылда торлаҡ төҙөлөшө күләме буйынса Волга буйы федераль округында беренсе урында килә.

— Ике миллион 351 мең квадрат метр майҙан менән торлаҡ йорттар файҙаланыуға тапшырылды. Был 2007 йылдағыға ҡарағанда 26 процентҡа күберәк, — тине республика Хөкүмәте Премьер-министры Раил Сарбаев БР Хөкүмәтенең киңәйтелгән ултырышында.

Башҡарылған подряд эштәре күләме былтыр 101 миллиард һумдан ашып киткән.

— Торлаҡ хаҡын кәметеү өсөн мөмкин булған бөтә сараларҙы күрергә кәрәк, — тип айырып билдәләне Раил Сарбаев. — Мохтаж булған граждандарҙың, айырыуса йәш ғаиләләрҙең торлаҡ шарттарын яҡшыртыу мәсьәләләре башҡарма власть органдарының айырым контроле аҫтында торорға тейеш. 2009 йылға бурыс — кәмендә 2,4 миллион квадрат метр торлаҡ тапшырыуҙы тәьмин итеү.

темалар: торлаҡ, саралар