7 декабрь, Шаршамбы

20 март 2009 йыл, 17:20

Президентҡа рәхмәт белдереү

автор: БР Президенты матбуғат хеҙмәте

Республика Президенты Мортаза Рәхимов исеменә Башҡортостан Мотоциклет федерацияһы башҡарма комитеты рәйесе Риф Сәйетгәрәевтан хат килде. Унда мотоспортҡа даими ярҙам иткән өсөн рәхмәт белдерелә. Хатта шулай тиелә:

"Хөрмәтле Мортаза Ғөбәйҙулла улы! Республиканың мотоспорт йәмәғәтселеге исеменән Һеҙгә боҙҙа мотоуҙышты үҫтереүгә ярҙам иткәнегеҙ өсөн рәхмәт белдерәм. Был миҙгелдә мотоуҙышсыларыбыҙ Башҡортостан абруйын лайыҡлы яҡланы. Улар донъя, Европа, Рәсәй чемпионатында шәхси һәм команда иҫәбендә еңеү яуланы. Һеҙҙе уҙышсыларыбыҙ яуланған позицияларҙы һаҡлап ҡалыу өсөн артабан да мөмкин булғандың барыһын да эшләйәсәк, тип ышандырам".