6 декабрь, Шишәмбе

18 март 2009 йыл, 15:42

Мәшғүллек хеҙмәте эшҡыуарлыҡҡа бушлай өйрәтә

автор: Евгений Рәхимҡолов

Өфөнөң Халыҡты эш менән тәьмин итеү үҙәге базаһында "Эшҡыуарлыҡ эшмәкәрлеге нигеҙҙәре" курс-консультациялары ойошторолдо. Уҡытыу бушлай алып барыла.

Иҡтисади көрсөк һәм шуның эҙемтәһендә эшһеҙлек арта барыу шарттарында мәшғүллек хеҙмәте халыҡты эш менән тәьмин итеүгә булышлыҡ итеүҙе үҙ эшенең өҫтөнлөклө йүнәлештәренең береһе итеп ҡарай. Мәҫәлән, хеҙмәт баҙарында көсөргәнеште кәметеү буйынса республика өҫтәмә саралар программаһы буйынса ғына ла 740-тан ашыу эшһеҙ үҙ эшен асыуҙа ярҙам аласаҡ, тип планлаштырыла.

Өфөнөң Халыҡты эш менән тәьмин итеү үҙәгендә курстар 20 мартҡа тиклем дауам итәсәк. Был ваҡытҡа 40 кеше уҡыуын тамамлаясаҡ.