8 декабрь, Кесе йома

16 март 2009 йыл, 17:21

Социаль объекттарҙың хәүефһеҙлеген нығытыуға аҡса бүленде

автор: Любовь Колоколова

Республикала социаль тәғәйенләнештәге объекттарҙың хәүефһеҙлеген нығытыуға 27 миллион һумдан ашыу аҡса бүленде. Был һандарҙы "Башинформ" агентлығында үткәрелгән "Хәүефһеҙлек-2009" форумына арналған матбуғат конференцияһында БР Хөкүмәте Премьер-министры урынбаҫары Рафаил Диваев килтерҙе.

Уның әйтеүенсә, социаль объекттарҙың янғын хәүефһеҙлеге менән бәйле хәл айырым контролдә тотола. Һүҙ бында балалар учреждениелары, дөйөм ятаҡтар, ҡарттар өсөн йорттар, приюттар тураһында бара. Бөтә был объекттарҙа тикшереү ваҡытында үткәрелгән, асыҡланған етешһеҙлектәр бөтөрөлгән. Социаль өлкәгә ҡараған 12 бинаның хәле насар тип танылған. Уларҙы ябыу тураһында ҡарар ҡабул ителгән.