3 декабрь, Шәмбе

13 март 2009 йыл, 17:11

Йәштәр эшҡыуарлығы мәктәбендә тәүге сығарылыш

автор: Эльмира Сабирова

13 мартта Өфө дәүләт иҡтисад һәм сервис академияһында йәштәр эшҡыуарлығы мәктәбе студенттарының тәүге сығарылышы үткәрелә.

Сарала академияның ғилми эш буйынса беренсе проректоры Наталья Солодилова, БР Йәштәр эштәре буйынса дәүләт комитетының хеҙмәтсән йәштәр менән эшләү һәм эшҡыуарлыҡты үҫтереү буйынса секторы мөдире Гөлназ Моратова, Иҡтисад һәм идаралыҡ институты директоры Рөстәм Маликов, Консалтинг һәм өҫтәмә профессиональ белем биреү үҙәге директоры Лиә Насретдинова ҡатнашасаҡ.

Өс аҙна буйына 40 йәш кеше бизнестың иҡтисади проблемалары, хоҡуҡи тәьминәт, эшҡыуарлыҡ эшмәкәрлеге психологияһы, персонал менән идара итеү, бәләкәй бизнесҡа дәүләт ярҙамы кеүек предметтарҙы өйрәнде. Бынан тыш, әлеге ваҡытта дәртле һәм маҡсатҡа ынтылышлы студенттарҙың яңы төркөмө тупланды, улар киләһе аҙнанан уҡ уҡый башлаясаҡ.