8 декабрь, Кесе йома

12 март 2009 йыл, 17:43

Бәләкәй һәм урта бизнесҡа ярҙамға субсидиялар биреләсәк

автор: Любовь Колоколова

РФ Хөкүмәте Рәсәй Федерацияһы субъекттарына федераль бюджеттан бәләкәй һәм урта эшҡыуарлыҡҡа (крәҫтиән-фермер хужалыҡтарын индереп) дәүләт ярҙамына Субсидиялар бүлеү һәм биреү ҡағиҙәләрен раҫланы. Программаның төп кураторы — РФ Иҡтисади үҫеш министрлығы.

Хөкүмәт ҡарары менән махсус "Федераль бюджеттан Рәсәй Федерацияһы субъекттары бюджеттарына, крәҫтиән (фермер) хужалыҡтарын индереп, бәләкәй һәм урта эшҡыуарлыҡҡа дәүләт ярҙамына субсидиялар бүлеү һәм биреү ҡағиҙәләре" раҫлана.

РФ Хөкүмәте ҡарарына ярашлы, төбәктәрҙең 2007-2008 йылдарҙа бәләкәй һәм урта эшҡыуарлыҡты үҫтереүгә файҙаланмаған субсидияларын, РФ Иҡтисади үҫеш министрлығының был субъекттар етәкселеге менән төҙөлгән килешеүҙәргә ярашлы, быйыл файҙаланырға мөмкин.