8 декабрь, Кесе йома

12 март 2009 йыл, 17:33

Минераль ашламаларға хаҡтар кәмей

автор: Ольга Горюнова

"Салауатнефтеоргсинтез" асыҡ акционерҙар йәмғиәте республика баҫыуҙарында ауыл хужалығы эштәре башланыуға минераль ашламаларға хаҡтарҙы кәметә. Был аҙымды предприятие ауыл хужалығы тармағында һалынған ауыр иҡтисади хәлде иҫәпкә алып һәм даими ҡулланыусылары менән оҙайлы ваҡытҡа мөнәсәбәттәрҙе һаҡлау маҡсатында яһаны. Акция март аҙағына тиклем дауам итәсәк, тип хәбәр иттеләр предприятиеның матбуғат хеҙмәтенән.

Был ҡарар компанияның стратегик аҙымы булып тора һәм Башҡортостан аграрийҙарының минераль ашламаларға талабын стимуллаштырыу маҡсатында ҡабул ителде. Минераль ашламаларға хаҡтар проблемаһы бөгөн айырыуса киҫкен — барыһы ла ашламаһыҙ юғары уңыш алып булмаясағын яҡшы аңлай.

Минераль ашламаларға хаҡтар 1 марттан кәмене. Мәҫәлән, Б маркалы карбамидҡа хаҡ ун процентҡа төштө, 16:20 маркалы азот-фосфорлы ашламалар 30 процентҡа арзанайҙы, 15:15:15 маркалы бер тонна азот-фосфор-калийлы ашламалар 20 процентҡа осһоҙораҡ.

темалар: ашлама, хаҡтар