Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 71.88

EUR 78.44

25 май, Дүшәмбе

Уфа   °

Молния

Республикала коронавирус йоҡторған дүртенсе сирле тураһында билдәле булды

Йәмғиәт

Башҡортостанда дүрт кеше коронавирус инфекцияһы менән сирләй, тип хәбәр итте беренсе вице-премьер Андрей Назаров «Фейсбук»тағы сәхифәһендә. «Уларҙың хәле тотороҡло. Улар изоляцияланған. Яҡындары, һуңғы ваҡытта кем менән аралашҡандары асыҡланған. Коронавирус пандемияһына бәйле күрелгән барлыҡ һөҙөмтәле саралар хәҙер хәлгә идара итергә мөмкинлек бирә. Бөтәһенең дә тыныслыҡты һаҡлауҙарын һәм план буйынса эш итеүҙәрен һорайым», — тип яҙҙы ул.

Әлеге ваҡытта дүртенсе сирленең Өфө районында йәшәгәнлеге, яңыраҡ сит илдән ҡайтҡанлығы билдәле. Ул шунда уҡ карантинға киткән. Тестың икенсе пробаһы ыңғай һөҙөмтә биргән. 24 мартта пациент 4-се йоғошло ауырыуҙар дауаханаһы бокстарының береһенә урынлаштырылған. Сирленең туғандары тикшерелгән, уларҙың пробаһы кире һөҙөмтә биргән.

Беренсе вице-премьер һүҙҙәренсә, бөтә кәрәкле оператив мәғлүмәт рәсми сайттарҙа баҫыла. Һаулыҡ һаҡлау министрлығы көн һайын сәғәт 2-лә брифингтар үткәрә, трансляция интернетта күрһәтелә.

Хөкүмәт аэропортта, тимер юлында һәм йәмәғәт тарнспортында контроль сараларын тағы ла көсәйтергә ҡушты.

http://www.bashinform.ru/news/1429631-stalo-izvestno-o-chetvertom-zabolevshem-covid-19-v-bashkirii/

    

«Башинформ» мәғлүмәт агентлығы
Яндекс цитирования
Рейтинг ресурсов "УралWeb"
закрыть