Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 74.60 ↓

EUR 81.08 ↑

10 апрель, Йома

Уфа   °

Молния

Башҡортостанда клуб, балалар баҡсаһы һәм мәктәп ҡарамағында балалар театрҙары барлыҡҡа килә

Мәҙәниәт

Башҡортостанда ауыл балалар баҡсалары һәм мәктәптәре ҡарамағында балалар театрҙары барлыҡҡа килә. Был хаҡта Мәҙәниәт министрлығы коллегияһының киңәйтелгән ултырышында республика хөкүмәте вице-премьеры Фәнүр Йәғәфәров һөйләне.

«14 декабрҙә, Башҡорт теле көнөндә, республика ҡоролтайҙары менән осрашыуҙа Башҡортостан башлығы Радий Хәбиров ауылда башҡорт балалар театрҙарын ойошторорға ҡушты. Бындай театрҙарҙы клуб, балалар баҡсаһы йәки мәктәп ҡарамағында ғәмәлгә ашырырға мөмкин», — тип билдәләне вице-премьер.

Ул Мәҙәниәт министрлығына быйыл, Театр йылында мәктәп һәм студенттар коллективтары араһында уҙғарылған «Театрлы Волга буйы» фестивале кеүек, ошондай театрҙар фестивален үткәреү мәсьәләһен ҡарарға ҡушты.

«Технологиялар ни тиклем әүҙем үҫешмәһен, халыҡҡа йәнле аралашыу кәрәк, был йәһәттән мәҙәниәт учреждениелары универсаль булырға тейеш. Һеҙ заманса креатив, барыһына ла аңлайышлы традицион формаларҙы оҫта ҡуллана белергә бурыслы, — тине Фәнүр Йәғәфәров, муниципалитет вәкилдәренә мөрәжәғәт итеп. — Халыҡ ижади коллективтарына, халыҡ театрҙарына бөтә кимәлдәрҙә лә ярҙам күрһәтергә тейешбеҙ».

http://www.bashinform.ru/news/1414879-v-bashkirii-pri-klubakh-sadikakh-i-shkolakh-poyavyatsya-detskie-teatry/  

Ләйлә Аралбаева
Яндекс цитирования
Рейтинг ресурсов "УралWeb"
закрыть