Уважаемый пользователь, Вы пользуетесь устаревшим браузером, который не поддерживает современные веб-стандарты и представляет угрозу вашей безопасности. Для корректного отображения сайта рекомендуем установить актуальную версию любого современного браузера:

Прочитать в мобильной версии сайта

БАШ

USD 75.45 ↓

EUR 82.01 ↑

8 апрель, Шаршамбы

Уфа   °

Молния

«Башавтотранс» февралдән ҡала яны һәм муниципаль-ара маршруттарға хаҡтарҙы арттырҙы

Иҡтисад

ӨФӨ, 2020 йыл, 12 февраль. /«Башинформ» мәғлүмәт агентлығы/.

«Башавтотранс» дәүләт ташыусыһы 1 февралдән ҡала яны һәм муниципаль-ара маршруттарға хаҡтарҙы арттырҙы. Ҡулаҡса һәм «Алға» картаһы буйынса билет хаҡы араһында айырма – 5-тән алып 20 һумға тиклем.

Хаҡтарҙың артыуы айырыуса көн һайын баш ҡалаға эшкә йөрөгән Өфө агломерацияһы халҡына нығыраҡ һиҙелә. Әйтәйек, 108-се Үҙәк сауҙа комплексы – Урман хужалығы маршрутында хәҙер юл хаҡы 50 һум тәшкил итә («Алға» картаһы буйынса – 40). 164-се Өфө – Таптыҡ маршрутында Лекаревкаға хәтлем — 91 (72,8) һум,122-се Дан бульвары — Авдон — 55 (44) һум.

Краснокама, Яңауыл, Балтас, Тәтешле райондары маршруттарында ла хаҡтар күтәрелде. Хәҙер Нефтекаманан Николо-Березовкаға тиклем юл хаҡы ҡулаҡса менән иҫәпләшкәндә — 25 һум, «Алға» картаһы буйынса 18 һум тора, ә Нефтекаманан Яңауылға хәтлем — 100/80 һум.

281-се Стәрлетамаҡ — Золотоношка, 298-се Стәрлетамаҡ — Максимовка — Алға маршруттарында 1 саҡрым өсөн 2,5 һум, «Алға» картаһы буйынса ташлама — 10%.

Салауат – Мәләүез маршруттарында ла юл хаҡы үҙгәрҙе: 115 һум, карта буйынса 92 һум.

Мәләүездән Салауатҡа ҡулаҡса менән 115 һумға йәки карта буйынса 92 һумға барып етергә мөмкин, Мәләүездән Күмертауға: 60/48 һум.

Күмертау — Ермолаевка: ҡулаҡса менән иҫәпләшкәндә — 40 һум, «Алға» картаһы буйынса 32 һум; Күмертау — Маячный: 50/40 һум.

Ишембай — Воскресенск, Салауат — Нордовка — Федоровка, Салауат — Нордовка — Бала Сытырман — Федоровка маршруттарында 1 саҡрым өсөн 2,5 һум билдәләнде.

Ғафури районының барлыҡ маршруттарында тариф 1 саҡрым өсөн 2,4 һум тәшкил итә, «Алға» картаһы буйынса ташлама — 5%.

http://www.bashinform.ru/news/1412659-bashavtotrans-s-fevralya-podnyal-tseny-na-prigorodnye-i-mezhmunitsipalnye-marshruty/

    

Яндекс цитирования
Рейтинг ресурсов "УралWeb"
закрыть